Kaixo,
bloga oso modu egokia iruditzen zait gure artean informazioa trukatzeko. Beraz, horretarako blog hauxe sortzea erabaki dut eta hemen dituzue proposatu nahi ditudan atalak:
berriak: abisuak, liburutegian burutzen ari diren aldaketei buruzko nobedadeak...
gehien egiten diren galderak: web orri askoetan egiten den bezala, hemen erabiltzaileek behin eta berriro egiten dituen galderak batzea eta azaltzea da asmoa
barruko baliabideak: helbidea elektronikoak eta telefonoak, nork arduratzen den zertaz, lan errutinen deskribapenak (ordezkapenak egiten dutenentzat lagungarri)...
hobetzeko aukerak: zerbitzuetan detektatzen ditugun hutsuneak, proposamenak
plaza: kritikak eta komentarioak botatzeko aukera, ulertu behar duena uler dadila
Ohar batzuk saltsan sartu baino lehen:
- blog hau euskaraz kudeatzeko erabaki dut, biblioteka barruko normalizazio linguistikoa bultzatzeko asmoz. Akatsak barkatzeko, baina batez ere zuzentzeko eskatzen dizuet. Euskaraz aritzeko ohitura gutxi dutenentzat erabilgarria izateko, baina euskararekiko apustua ez zapuzteko, itxulpenak komentario moduan agertzeko proposatzen dut, eta ahal dudan neurrian jarriko ditut.
- blog hau blogger-en, eta ez EHU-ko blogosferan sortzea arazoi zehatza du: momentuz, liburutegiko lankideen arteko tresna experimentala izatea du helburu, beraz, ez du zentzurik EHUko komunitate osoaren aurrean aurkeztea.
- blog honetan bilduko den informazioa ez da publikoari begira sortua; behar bada, aukera dago ere sarrera murrizteko, baina horrek sartzea zailtzen duenez, publikoa izatea erabaki dut. Horrexegatik, informazio delikaturik (aplikazioetan sartzeko pasahitzak etabar) ez aipatzea eskatzen dut.
- blog lan tresna izatea du helburu, beraz, iritzizko komentarioak atal zehatz batera (plaza) murriztea, baita ere kritikak pertsonalizatu gabe egitea komeni da.
- informazio komentarioak izenaz sinatzea egokiena iruditzen zait, informazio trukea errazteko. Halaber, plaza atalean ezizenaz firmatutakoak ere onartuko dira, guztiei zor diegun errespetuz idaztita izanez gero.
Ondo izan
Theo
